Ginpahayag ni former Magdalo Partylist Representative Garry Alejano nga posible ginhambalan sang defense team ni former President Rodrigo Duterte ang anay presidente nga indi magtambong sa confirmation of charges bangod sa pamatasan sini nga maisog kag makahimo sang butang nga magamit batok sa iya.
Sa interview sang Bombo Radyo kay Alejano nga isa sa complainant sa drug war sang Duterte, nalipay ini nga madayon na ang confirmation of charges bisan nga naghambal pa ang anay presidente nga indi ini makatambong.
Suno diri, sa paglantaw sini ang strategy sang kampo sang Duterte amo nga idelay ang proceedings agud indi na makalab-ot sa trial proper apang ang indi pagtambong makabig nga disbentaha.
Pahayag ni Alejano, sadto tuman ang kaisog ni Duterte kag nagapamahog pa sa ICC amo nga mahimo isa ini sa rason nga gin-abisohan si Duterte nga indi magtambong sa hearing para indi ini makahimo sang butang ukon makapakita sang paminatasan nga makapalala pa gid sa akusasyon sa iya.
