Nagdaog bilang Reina Hispanoamericana 2025 ang pambato sang Pilipinas nga si Dia Mate.
Nagdaog si Dia sa coronation night nga ginpatigayon sa Bolivia, kahapon.
Para sa finals, ginsuksok ni Dia ang sultry gold gown nga gindisenyo ni Rian Fernandez.
Sa Q&A portion, ginpamangkot si Dia kun ano nga value ang para sa iya ang pinaka-importante sa sosyodad.
Sabat sini, para sa iya ang pinaka-importante nga value nga dapat may yara ang tawo amo ang kindness, kaangay sa experience sini sa Bolivia kun sa diin nangin mabuot sa iya ang mga tawo.
Dugang pa sini, nanotisyaran man sini nga bisan may kinalain sa linggwahe, isa lamang ka kultura, isa ka tagipusoon kag isa ka pagtuo sa Ginoo may yara ang tanan.
Kag para sa iya, kun magapakita lang ang tanan sang maayo, diri makit-an nga tanan ang magkapareha lang sa pagpamaayo sang palibot.
Samtang, magluwas sa major crown, ginpauli man ni Dia ang Best in National Costume award sa suksok sini nga Ehrran Montoya dress nga inspired sang Baroque Churches sa Pilipinas.
Ginpauli sang beauty queen ang ikaduha nga Reina Hispanoamericana crown kasunod sa pagdaog si Winwyn Marquez sang 2017.
