Nag-abot na sa Mexico ang pambato sang Pilipinas nga si Chelsea Manalo para irepresenta ang pungsod sa prestigious nga beauty pageant nga Miss Universe 2024.
Nagbiyahe nagikan sa Los Angeles, California si Chelsea nga nakasuksok sang white blouse, blue jeans, white fur coat kag ang iya nga Miss Universe Philippines sash.
Sa pag-abot naman sang beauty queen sa Aeropuerto Internacional sang Mexico, suksok sini ang golden modern Filipiniana ni Cary Santiago.
Sa nangin interview sa Fil-Am beauty queen, ginpakigbahin niya ang iya nga excitement kag first meet up niya sa iban pa nga Miss Universe candidates.
Samtang, una nga magasabak ang mga kandidata nagikan sa nagkalain-lain nga mga pungsod sa ginabantayan nga Preliminary at National Costume competitions sa Nobiyembre 14.
Tinguhaon naman ni Chelsea nga mapauli ang ikalima nga Miss Universe crown para sa Pilipinas sa coronation night nga patigayunon sa Nobyembre 16 tubtob sa Nobyembre 17 oras sa Pilipinas.
