Ginpahayag sang punong barangay sang Barangay Buenavista, Murcia, Negros Occidental nga wala sang indi maayo nga record ang pamilya nga gin-alegar ginmassacre sang Hwebes sang gab-i.
Ang mga biktima ang ginlakipan sang amay nga si Neldy Celayes, 59 anyos, iloy nga si Josephine Celayes, 60 anyos kag ang ila bata nga si Jovie Celayes, 33 anyos.
Sa interview sang Bombo Radyo Bacolod kay Punong Barangay Trinidad Yntatano, wala sang kontra kag gin-utihan pa sini pang-ukay ang file nila sa Barangay kag wala ini sang nakita nga may nagreklamo batok sa pamilya.
Suno kay Yntatano, nakibot nalamang sila tanan sa natabo sa pamilya Celayes.
Suno sa Punong Barangay ang bangkay sang tatlo ang gin-asikaso sang subang nga bata sang mag-asawa.
Suno diri, galibog ang ulo sang tanan bangud wala ang mga ini sang mapaminsaran nga rason kun ngaa ginpatay ang mga biktima.
Ginpahayag man nga ang duta nga ginatindugan sang balay ang ila man kag wala man nakabaton sang impormasyon ang Punong Barangay nga nagreklamo kag luyag kuhaon ang duta.
