Ginkumpirmar sang alkalde sa syudad sang Bacolod nga gin-imbeteran sa syudad ang first family agud magtambong sa Masskara festival sa bulan sang Oktubre.
Suno kay Bacolod City Mayor Alfredo Benitez, balantayan ang Masskara Festival bangud ini ang una nga major festival nga patigayunon matapos ang pandemya.
Suno kay Benitez, duha man katuig nga wala man nakaselebrar sang festival ang pungsod kasubong man ang bilog nga kalibutan bangud sa pandemya.
Suno sa alkalde luyag nga ibalik sang syudad ang mga nadula sa tion sang pandemya.
Suno diri sa palaabuton nga Masskara Festival 2022 kinahanglan nga himuon nila ang tanan nga masarangan agud mangin successful ang festival.
Suno sa alkalde, ang syudad sang Bacolod ginalantaw sang bilog nga pungsod bangud ini ang una nga Local Government Unit (LGU) nga magpatigayon sang festival matapos ang pandemya.
Ginpahayag man sang alkalde nga gin-imbeteran man sang syudad ang first family kag nagpahayag man nga mapadulong man sa syudad sa pagtambong sang Masskara Festival.
Suno diri, nagapakita lamang ini nga kun ano ka espesyal ang syudad sa pagpasiguro sa pagbalik sang normal nga sitwasyon matapos ang pandemya.
