Nagdangat sa kapin sa 600 ka pamilya ang apektado sang mabaskog nga ulan tuga sang Hanging Habagat kag ginpabaskog pa sang Bagyong Ferdie sa ciudad sang Bago.
Sa datos sang Bago City Disaster Risk Reduction and Management Office (CDRRMO) as of 7 PM, Septeber 13, may yara sang 1,943 individuals nga nagikan sa 652 ka pamilya sa ciudad ang apektado sang pag-inulan kag pagbaha.
Ang nasambit nga mga indibidwal ang nagikan sa 11 ka mga barangay nga ginalakipan sang Barangay Lag-asan nga may 234, Atipuluan nga may 40, Napoles nga may 254 , Dulao nga may 108, Sampinit nga may 50, Pacol nga may lima, Balingasag nga may 508, Busay nga may 369, Ma-ao nga may siyam, Sagasa nga 228 kag Malingin nga may 38.
Sa nasambit nga numero 1,354 ka indibidwal ang nagatiner sa karun sa nagkalain-lain nga evacuation center kag isa sa mga ginitiran sang mga ini ang Manuel Y. Torres Memorial Coliseum and Cultural Center.
Samtang ang nabilin nga 589 individuals ang sa gwa naman sang mga evacuation centers.
