Pamilya ni FPRRD, naglunsyar sang website para sa iya mga supporters kadungan sang iya ika-81 nga kaadlaw kahapon

Naglunsyar sang website ang pamilya ni former President Rodrigo Duterte para sa iya mga supporter kadungan sang iya ika-81 nga kaadlaw kahapon, Marso 28.

Sa isa ka “notice to the public”, ginpahayag sang pamilya Duterte nga ang website ang ginadedikar para sa mga supporters sang anay Presidente nga padayon nga nagasuporta sa iya.

Makita sa website ang “Contact Us” section kun sa diin mahimo makapadala sang mensahe kag makabaton sang updates ang supporters paagi sa pagsumiter sang ila ngalan kag email address.

Nalakip man diri ang “Inside the Archive” section nga nagapakita sang scanned copies sang mga sulat nga ginpadala sang supporters ni ex-Pres. Duterte.