Nadul ong na sa ulihi nga palahuway si Freya Mae Go sa Valley of Peace Memorial Park kahapon sang hapon.
Madumduman nga nasapwan nga wala na sang kabuhi si Freya sa Barangay 12, Bacolod City sang Oktubre 22.
Ang kamot sini may higot nga nakakonekta sa iya liog kag wala ini sang pang-idalum nga panapton.
Nagpahayag naman ang Bacolod Police Station 1 nga may yara na sang persons of interest sa mahimo nagpatay sa 17 anyos nga biktima.
Sa mensahe sang magulang sini nga inosente kag mabuot nga bata ang iya manghod.
Suno sa magulang wala sang bisan sin-o ang may luyag nga matabo sa ila nga pamilya ang natabo sa iya manghod.
Suno diri ang ila pamilya ang may yara sang gamay nga indi pagintsindihanay apang palangga nila si Freya ilabi na sang ila nga amay nga si Lito.
Luyag man nila kuntani kuhaon si Freya agud nga makatapos sang pag-eskwela apang nagabalik ini sa ila amay.
Padayon man ang pagsinggitan sang mga ini sang hustisya para sa kamatayon sang ni Freya.
Samtang emosyonal naman si Sara ang iloy ni Freya sa paghatag sang mensahe.
Sa mensahe ni Sara ginpasalamatan sini ang tanan nga nagbuylog sa ila kasubo.
Dugang pa sang iloy nga nagapasalamat man siya sa tanan nga nagpalangga sa iya anak.
