Ginakabig sang pamilya Degamo nga importante nga mahibaluan kun sin-o ang security aid ni Governor Roel Degamo nga wala naka-duty sadtong pag-atake sa puluy-an sang gobernador.
Sa interview sang Bombo Radyo kay Board Member Nyrth Christian Degamo, kinahanglan imbestigaran ang security aid nga absent sang adlaw sang pag-assassinate sa gobernador.
Suno diri, wala ini nakakilala kun sin-o ang security aid apang importante ini nga ma-imbistigahan ilabi na nga yara sila sa unahan sang public service kag kun ini ang may kaangtanan sa krimen, hustisya ang ila ginapangayo.
Nakita man sini ang effort sang national agencies sa pagsolbar sa krimen nga para sa iya ini naghatag sang paglaum sa Negros Oriental nga makakuha sang hustisya.
Iya man ginkalipay ang pag-raid sa propedad ni Negros Oriental 3rd District Rep. Arnie Teves, apisar nga alegasyon pa lamang nga may kaangtanan ini sa pagpatay kay governor Degamo.
Samtang, may yara na sang nalubong sa walo ka mga napatay man sa insidente nga padayon nagapanawagan ang pamilya sang mga biktima sang hustiysa.
Sa nahibaluan sini, sa Marso 16, Huwebes, ang natalana nga schedule sa pagplubong kay the late governor Roel Degamo sa Siaton, Negros Oriental.
