Nagdangop sa Bacolod Police Station 2 ang isa ka pamilya sa Paglaum Village, Barangay Mansilingan agud ireport nga indi makontak ang 28-anyos nga babayi nga miyembro sang ila pamilya.
Ini ang makaligad ang masobra duha ka semana humalin sang nareport ang gina-alegar abduction sa 19th Lacson St., Bacolod City.
Sa interview sang Bombo Radyo Bacolod kay Decem Andico, utod ni Novie Andico kag gina-alegar gin-abduct, ginpahayag sini nga Disyembre 3 sang ginpahibalo sila sang abyan ni Novie nga masobra duha ka semana na ini nga wala nakapauli sa ila nga boarding house sa Barangay 32 matapos ini nga naglakat padulong sa 19th St. agud nga may tabuon.
Santo sa panaysayon sang abyan ni Novie suno kay Decem, nakasuksok ini sang spaghetti nga blouse, shorts, tsinelas kag may sling bag nga anggid naman sa nakita sang mga nakasaksi sa gin-abduct sa 19th Lacson St.
Gani, ila nalang nga ginpakamaayo nga ipablotter ini sa Police Station 2 bangud nga indi na nila makontak si Novie.
Nagapanawagan man ini sa iya utod nga magpauli na sa ila balay bangud nagakahangawa na ang ila nga iloy.
Nahibaluan nga lima na ka tuig nga wala naga-istar sa ila nga balay si Novie.
Samtang, ginpasiguro naman ni P/Capt. Leo Estopa, hepe sang Police Station 2, nga tinguhaan nila nga matrace ang ginkadtuan ni Novie.
Nagapanawagan man ini sa mga abyan ni Novie nga magpakig-angot kag magkooperar sa kapulisan pananglitan nga may yara ang mga ini sang nahibaluan nga makabulig sa imbestigasyon sa pagkadula sang biktima.
Nagdangop sa Bacolod Police Station 2 ang isa ka pamilya sa Paglaum Village, Barangay Mansilingan agud ireport nga indi makontak ang 28-anyos nga babayi nga miyembro sang ila pamilya.
Ini ang makaligad ang masobra duha ka semana humalin sang nareport ang gina-alegar abduction sa 19th Lacson St., Bacolod City.
Sa interview sang Bombo Radyo Bacolod kay Decem Andico, utod ni Novie Andico kag gina-alegar gin-abduct, ginpahayag sini nga Disyembre 3 sang ginpahibalo sila sang abyan ni Novie nga masobra duha ka semana na ini nga wala nakapauli sa ila nga boarding house sa Barangay 32 matapos ini nga naglakat padulong sa 19th St. agud nga may tabuon.
Santo sa panaysayon sang abyan ni Novie suno kay Decem, nakasuksok ini sang spaghetti nga blouse, shorts, tsinelas kag may sling bag nga anggid naman sa nakita sang mga nakasaksi sa gin-abduct sa 19th Lacson St.
Gani, ila nalang nga ginpakamaayo nga ipablotter ini sa Police Station 2 bangud nga indi na nila makontak si Novie.
Nagapanawagan man ini sa iya utod nga magpauli na sa ila balay bangud nagakahangawa na ang ila nga iloy.
Nahibaluan nga lima na ka tuig nga wala naga-istar sa ila nga balay si Novie.
Samtang, ginpasiguro naman ni P/Capt. Leo Estopa, hepe sang Police Station 2, nga tinguhaan nila nga matrace ang ginkadtuan ni Novie.
Nagapanawagan man ini sa mga abyan ni Novie nga magpakig-angot kag magkooperar sa kapulisan pananglitan nga may yara ang mga ini sang nahibaluan nga makabulig sa imbestigasyon sa pagkadula sang biktima.
