Desido ang pamilya sang mall employee nga si Mary Ann Tamonan nga magpasaka sang kaso batok kay Lyndon Dinawanao matapos nga ginbuno sini tubtob mapatay ang biktima sa Purok Hervias 2, Barangay Villamonte, Bacolod City sang Lunes sang gab-i.
Suno kay Maria Gelyn Sarona, magulang sang biktima, ginlaragway sini nga masinadyahon ang biktima apisar sang mga problema nga iya ginapangatubang.
Suno kay Sarona, siya mismo ang indi na maayo ang pagtamod kay Lyndon bangud isa ka bes sadto naga enjoy sila kag nagainum sang makahulubog nga ilimnom may isa sila ka kilala nga ginpangimunan sang suspek.
Nagapanglaba sadto si Mary Ann kag ginpalapitan ni Lyndon kag ginhambalan sang indi maayo.
Ginpahayag man sini nga nakapablotter sadto ang biktima bangud sa ginamolestyahan sang suspek ang 12 anyos nga manak sini apang wala siya makahibalo kun gindayon ang pagpasaka sang kaso.
Ginkuha naman sang ila iloy ang bata kasubong man ang duha katuig nga bata sang biktima.
Ginpahayag man sang magulang nga wala man nakalisensya ang manghod sini nga maupod liwat sa suspek pagkatapos nga magbulaganay.
May yara sang pwesto sang cell phone accessory ang biktima sa 888 samtang ang suspek ang job order sa Luis Hervias National High School.
Ginpahayag man sini nga si Lyndon sang una ginahatag pa kay Mary Ann ang nabilin nga sweldo apang humalin sang Enero subong nga tuig wala na ini nagahatag.
Ginalantaw man sini nga nagagamit sang iligal nga druga ang suspek bangud lain na ang pagpanggawi niya subong komparar sang una kay best friend man ini sang bana niya.
