Dako ang kalipay sang pamilya sang Filipino boxer nga si Carlo Paalam, ilabi na ang utod sini nga babayi matapos nga magdaog ini batok sa Algerian boxer nga si Mohamed Flissi sa 2020 Tokyo Olympics kahapon.
Ginpakigbahin man ni Michael Mae Paalam kun ano si Carlo Paalam antes paman ini nagsulod sa boksing.
Suno sa iya utod, mahuluyaon sadto ang boksingero sang siya ang bata pa.
Sila ang gikan sa probinsya sang Bukidnon tubtob sa nagsaylo sila sa Cagayan de Oro.
Si Paalam ang anay nagapangbasura lang sadto tubtob sa nalabayan si ang mga ginatrain sa boksing kag sya ang nahagadan.
Pito ka tuig palang ini sang ginhagad nga magtraining sang coach sa Misamis Oriental nga nagatrain sang iban pa nga mga kabataan sadto.
Ginpakigbahin sang iya nga magulang nga fighter na sadto paman si Carlo Paalam apang sa kalsada lang ini sang una.
Ginpakigbahin pa sini nga bangod sa pigado nila nga sitwasyon sadto kun sa diin tatlo sila ang nagapang scrap sadto samtang ang ila naman amay ang nagatricycle.
Nagahimakas naman ang mga ini bangod walo sila nga mag-utod.
Matapos ang pagdaog ni Paalam kag pagsulod sa Round of 6, tuman man ang pagpasalamat sini sa Ginoo nga wala ginpabayaan ang boksingero.
Tuman naman ang pagpabugal ni Michael Mae Paalam kasubong man sang bilog nila nga pamilya.
Pahanumdom naman sini kay Carlos Paalam, magsalig lang sa Ginoo nga indi siya sini pabay-an kag ini ang indi magread.
Apisar sa pagsabak sa boksing, nagpadayun man sa pag-eskwela ang Filipino player nga karun nakatapos na sa Grade 12 sa University of Baguio.
Ang boksingero gikan sa Cagayan de Oro ang magahampang batok kay Shakhobidin Zoirov sang Uzbekistan para sa quarterfinals sa Martes, Agosto 3, alas-10:15 sang aga para sa tyansa sa medal round.
