Desidido ang pamilya sang biktima sang pagpamuno sa atubang sang LJP warehouse, Araneta Highway, Saint Vincent Village, Brgy. Tangub, Bacolod City sadtong Setyembre 16, 2024.
Ginkilala ang biktima kay Ireneo Pangatihon, 45 anyos, kasado kag residente sang Prk. Sunflower, Brgy. Cansilayan, Murcia, Negros Occidental.
Samtang ang suspek ang ginkilala kay Jonard Moreno, 40 anyos, single kag residente sang Sitio Pucatod, Brgy. Pag-ayon, Pulupandan, Negros Occidental.
Sa interview sang Bombo Radyo Bacolod kay Police Captain Greeky Cayao, station commander sang Bacolod Police Station 8, desidido ang pamilya ni Pangatihon nga magpasaka sang kaso batok kay Moreno.
Suno kay Cayao, ipasaka na kuntani sang nagligad ang kaso batok sa suspetsado apang nag-ayo ang pamilya nga patapuson lang anay ang lubong sang biktima antes magpasaka sang kaso batok sa suspetsado.
Suno sa station commander nga ipasaka na ang kaso kag hulaton nalang ang pagwa sang arrest warrant kag agud nga maserbe sa suspetsado.
Dugang pa sini nga gintinguhaan man nila nga madakpan ang suspek apang wala ini madakpan tubtob nga naglipas na ang manhunt operation.
Bisan ang personnel sa sagwa sang Police Station ang ginpamonitor man apang napaslawan ang mga ini nga matumod ang lugar kun sa diin nagapanago ang biktima.
