Nagpinsar pa ang utod sang iloy nga isa sa napatay sa pagmassacre sang pamilya sa Sitio Guinam-an, Barangay Buenavista, Murcia, Negros Occidental kagab-i nga triangulo lamang ang iya nabatian nga lupok kagab-i.
Ang mga biktima ang ginlakipan sang amay nga si Neldy Celayes, 59 anyos, iloy nga si Josephine Celayes, 60 anyos kag ang ila bata nga si Jovie Celayes, 33 anyos.
Sa interview sang Bombo Radyo Bacold kay Alyas Neneng, masami na nga may nagapalupok sang firecrackers sa ila lugar gani nagpinsar sila nga triangulo lamang ang nabatian agud tabugon ang mga kasapatan.
Aminado si Neneng nga nagginual ang mga manok kag mga ido, apang nagtahaw man gani wala na nila ginpaligban kag wala man sila sang may nabatuan nga nagsinggit.
Apang kaina sang kaagahon, nagpanag-ob sa bubon ang iya hinablos, apang sang makita ang bangkay ni Jovie gilayon ini nga nagsugid kay Neneng.
Tuman ang pagtyabaw sini sang makita nga mayami na nga bangkay ang iya magulang kag pamilya sini.
Suno kay Neneng, kun mag-inom sang makahulubog nga ilimnon si Neldy, malinong lamang ini nga nagapauli apang sa masami sa balay lamang ini naga-inom.
Pangabay na lamang sini nga matumod kun sin-o ang may kahimuan sa krimen.
