Nagapanawagan sang hustisya ang pamilya ni Arnold Bayking nga ginpatay sang mga suspetsado nga nagaangkasanay sa motorsiklo sa gwa sang Sharina Heights Subdivision sa Barangay Taculing, ciudad sang Bacolod kagab-i.
Sa interview sang Bombo Radyo kay Analiza Bayking, lubos nila nga ginkakibot ang pagtiro sa ila subang nga utod samtang nagamaneho ini sang tricycle bangud tuman ini kabuot kag wala sang kontra.
Suno kay Analiza, wala man sang bisyo ang iya magulang kag bisan ang mga nakakilala sa iya sa Libertad Market ang nagapahayag nga haluson ini maghambal.
Nagalikaw man suno diri sa gamo ang iya magulang kag nagatutok ini sa pagbyahe sang tricycle.
Suno diri, mabaton nila ang kamatayon sang iya magulang kun tunto ini nga sahi sang tawo.
Bangud sini, nagpanawagan si Analiza sa mga kapulisan nga buligan sila nga maagom ang hustisya sa kamatayon sang biktima.
Nagpanawagan man ini sa mga suspetsado nga untatan na ang pagpamatay.
