Nagkuha sang pribado nga abugado ang pamilya sang Grade 10 student nga gin-alegar nga ginhimuslan sang isa ka manunudlo sa ciudad sang Bacolod agud nga mapasaka na ang kaso.
Sa interview sang Bombo Radyo Bacolod kay Police Capt. Glenn Montaño, officer in charge sa Bacolod City Police Station 2, kahapon nakaestoryahanay ang imbestigador sang police station 2 kag ang pamilya sang biktima nga may yara sila sang ginkuha nga private lawyer kag ini na ang magapasaka sang kaso batok manunudlo nga gin-alegar suspek nga nag-rape sa biktima.
Suno kay Montaño, kaso nga paglapas sa RA 8353 ang ipasaka sa manunudlo bangud sang natabo nga pagpang-abuso.
Madumduman nagdangop sa police station 2 ang iloy sang biktima sang Abril 4 agud ireport ang natukiban nga paghimulos sang manunudlo sa iya bata.// Ini kasunod sang pagkakita sang magulang sang biktima sa conversation sang estudyante kag sang iya subject teacher.
Suno kay Montaño, ginapahayag sang menor de edad nga sila ang may Mutual Understanding sang manunudlo.
Ang nasambitan nga manunudlo ang may-ara naman sang pamilya.
Pahayag sang dalagita nga sang Hulyo 2023, nagtabuay sila sang manunudlo sa gwa sang eskwelahan tubtob nga ini ang gindala sa lodging house sa Barangay 4 kag didto na natabo ang paghimulos.
Desidido ang ginikanan sang dalagita nga magpasaka sang kaso batok sa manunudlo nga yara na sa masobra 40 ang edad.
