Wala na nagpasaka sang kaso ang pamilya sang mga biktima nga ginpahayag nga ginpatay sang New People’s Army sa banwa sang Toboso, Negros Occidental.
Sa interview sang Bombo Radyo Bacold kay Police Lt. Antonette Loreaz, Deputy Chief of Police sang Toboso Municipal Police Station, ang mga complainant ang wala na nagpasaka sang kaso bangud man sa seguridad sang mga ini.
Suno kay Loreaz, ang mga kapulisan ang nagatipon sang ebidensya kag kun batunon sang fiscal sila na ang magapasaka sang kaso batok sa ginatudlo nga mga suspetsado bangud ini ang kabahin sa ila obligasyon.
Sa karun ang mga kapulisan ang nagahulat nga may mag-gwa nga witness bangud kinahanglanon ini sa pagpasaka sang kaso batok sa ginapahayag nga mga suspetsado.
Suno diri, nakilala lamang ang mga ini sa mga alyas apan wala man nagakahulugan nga isa lang ang may kahimuan sa pagpatay sang mga residente sang banwa.
Apat na tanan ka mga residente sang Toboso ang gin-alegar ginpatay sang NPA.
Apisar nga may yara na sang pag-ako sa bahin sang NPA ginavalidate pa sang mga kapulisan kun matuod ang nasambit nga impormasyon.
