Ginkumpirmar sang isa ka punong barangay sa Barangay Yupisan, Pamplona, Negros Oriental nga may yara sila sang nabaton nga cash assistance sang nagbisita si President Ferdinand “Bongbong” Marcos Jr. sa haya ni Negros Oriental Governor Roel Degamo.
Ang bana ni Punong Barangay Mary Ann Ramirez nga isa ka barangay kagawad ang isa sa walo nga nalakip sa assasination sang anay gobernador.
Suno kay Ramirez, may nabaton ini nga cash assistance kag livelihood nagikan sa presidente kasubong ginpasiguro man sa ila nga may yara sang bulig nga mabaton nagikan sa gobyerno para sa pagtuon sang mga kabataan tubtob nga makatapos sa pagtuon.
Suno diri indi na siya magpadalagan liwat bilang punong barangay bangud magatutok na ini sa pagpadako sa ila mga kabataan bangud wala na ang bana sini.
Ginatugyan nalang sini sa Ginoo ang imbestigasyon sa pagpatay sa anay gobernador kag walo ka iban pa kun sa diin kalakip diri ang iya bana kag pangamuyuan man sini nga mahatagan sang hustisya ang kamatayon sang palangga nila sa kabuhi.
