Tuman ang kasubo sang pamilya sang isa sa mga napatay sa hit and run nga natabo sa Brgy Alangilan sang Abril 18, Biyernes Santo.
Sa interview sang Bombo Radyo kay Ma. Aina Tanique Remada, utod ni Gilven Tanique, desidido ang pamilya nila nga magpasaka sang kaso batok sa Indian national nga si Jagpret Shingh, 37 anyos kag residente sang B133, Lot.89, Buena Park Subd., Brgy. Villamonte, Bacolod City.
Suno diri, ang ila utod nga si Gilven ang ginakabig nila nga amay sa siyam sila ka mag-utod humalin sang nagtaliwan ang ila iloy kag amay.
Siya ang magaselebrar pa kun tani sang iya kaadlawan sa Sabado kag nagplano pa sila nga kun tani kumpleto sila nga magpamilya.
Pahayag ni Remada, kada Semana Santa nagaprusisyon gid ang iya utod bangod nagabulig ini assist bilang brgy tanod.
Sang natabo ang insidente, ang trucycle ang ginapanag-iyahan ni Tanique apang ang nagamaneho sini amo ang lay minister nga si Jonel Solano.
Dead on the spot si Solano samtang si Tanique naman ang ginhangaw nga gindala sa ospital apang ginbawian ini sang kabuhi sang napurohan ang ulo sini.
Samtang, desidido naman nga magpasaka sang kaso ang pamilya ni Jonelo Solan Sr. sa Indian national nga suspetsado.
Suno kay Jonelyn Solano, subang nga bata ni Jonelo, magapasaka sang kaso ang ila pamilya agud mahatagan sang hustisya ang ila nga amay.
