Dako ang pagpasalamat sang mga kautoran ni Loreta Alacre sa tanan nga bulig nga ila nabaton naggikan sa nagkalain- lain nga ahensya sang gobyerno kun sa diin kahapon nagbisita si Israeli Consul to the Philippines Moti Cohen sa haya ni Loreta sa Cadiz Viejo, Cadiz City, Negros Occidental.
Sa interview sang Bombo Radyo kay Nelia Alacre, dako ang iya pagpasalamat nga opsiyal nga nagpadulong sa ila balay si Cohen bisan pa sa kalayuon sang byahe.
Suno diri, ginhingadlan ang isa ka evacuation center sa pangalan nga Loreta V. Alacre Memorial Evacuation Center nga ini man ang anay buluthuan nga gin-eskwelahan ni Loreta.
Dugang pa sini, wala na ini sang plano pa nga magbalik sa Kuwait para magtrabaho kasunod sa pagdumili sang iya mga utod ini apisar may yara na ini sang ticket para sa byahe.
Samtang, aminado naman ang magulang ni Loreta nga nagpamag-an para sa ila nga pamilya ang tanan nga bulig nga ila nabaton.
Sa interview sang Bombo Radyo kay Anabella Alacre, dako ang iya pasalamat sa tanan nga bulig nga ila nabaton ilabi na kay Israeli Consul to the Philippines Moti Cohen nga nagtinguha nga magbisita sa haya ni Loreta.
Iya man ginpasalamatan ang bulig naggikan sa nagkalin-lain nga ahensya sang gobyerno kaangay sang Overseas Workers Welfare Administration kag Department of Migrant Workers kag iban pa.
