Wala na sang plano ang pamilya sang senior citizen nga napatay matapos ginbuno sang iya apo sa SP Village, Barangay Pahanocoy, ciudad sang Bacolod sang Pebrero 23.
Ginkilala ang biktima nga si Erna Araiz, 66 anyos samtang ang suspek amo si Jerian Araiz, 19 anyos kag residente sang nasambit nga lugar.
Sa interview sang Bombo Radyo Bacolod kay Bacolod Police Station 8 Commander Police Captain Greeky Cayao, ginrelease na sang kapulisan si Jerian kag ginkuha na sang iya amay.
Suno diri, nag-agi sa depresyon ang suspek sang pandemic kag nadugangan pa sang nagbulagay ang iya ginikanan.
Apang naglala ang sitwasyon sini sang nag-untat ang suspek sa pag-inom sang bulong.
Nagpahayag naman ang amay sang suspek nga ila sa karun ipabulong ang iya bata.
Mensahe sini nga bantayan ang pamilya nga may deprensya sa paminsaron agud indi makaperwisyo pa sa iban.
