Ginkwestyon ni Pamplona Municipal Mayor Janice Degamo kun mahimo bala sang ila pamilya ang krimen sa pagpatay kay Negros Oriental Roel Degamo, matapos nga may mga naga-gwa nga issue nga mismo ang pamilya Degamo ang nagplano sang assassination.
Sa interview sang Bombo Radyo kay Mayor Janice Degamo, nakahibalo ini nga madamo ang nacurious kag nagapamangkot sang kamatuoran sa likod sang nagagwa nga mga impormasyon nga may kaangtanan ang pamilya Degamo sa pagpatay sa gobernador.
Kwestyon sini, nga mahimo ayhan sang miyembro sang ila pamilya ang amo nga krimen.
Nagapati si Mayor Janice nga sa ini ang pamaagi lamang agud malikaw ang atensyon sang pumuluyo palayo sa matuod nga issue.
Gani wala untat ini nga nagapanawagan kag nagapakig-angot sa Senado agud ipaidalom sa Senate Investigation ang mga natabo nga pagpamatay sa probinsya sang Negros Oriental kag makuhaan sang pahayag ang bahin sang mga pamilya sang mga biktima.
Para kay Mayor Janice ang natabo nga krimen ang indi bangod sa pulitika kundi bangod sa may-ara sang luyag nga maka-angkon sang dako nga pwersa.
