Nagbalik na sa opisina ang alkalde sang Pamplona Municipal Mayor Janice Degamo samtang naka standby man ini para sa insigida nga pagbyahe padulong sa Manila sa pagproseso sang filing sa kaso.
Sa interview sang Bombo Radyo kay Mayor Janice Degamo, nagsulod ini sa opisina sang Lunes kag Martes kag gilayopn nga nagpadulong sa Manila para magpirma kag mag-file sang complaints batok sa mga supetsado sa pagpatay kay late Negros Oriental Governor Roel Degamo kag walo nga iban pa.
Suno diri, busy ang iya schedule sa filing sang kaso ilabi na nga may period ini nga kinahanglan lagson.
Nakabisita naman ini sa mga opisina nga nagakapyot sa kaso sang gobernador kag sa iban pa nga kaso sang pagpamatay sa banwa sang Pamplona.
Pahayag sang alkalde, apisar sang absence sini bangod sa byahe sa Manila, padayon sa gihapon ang trabaho sang team Ariba sa banwa sang Pamplona.
Nabaton man sini ang sentimento sang mga pumuluyo, gani nagpasalamat ini sa ila nga suporta.
Nakatapos naman ini magfile sang kaso sa mga murderers kag gunmen apang ma-file pa ini sang para sa mastermind nga suno diri malapit na lang gid ang tion nga sila makapagwa sang pangalan sang mastermind.
