Nagapanawagan ang tagpamaba sang Negros Occidental Police Provincial Office sa mga Barangay Officials nga likawan ang pag-intra sa mga illegal nga druga.
Sa interview sang Bombo Radyo kay Police Captain Judesses Catalogo, sa kabug-usan nga Western Visayas may yara sang 76 ka mga barangay officials ang imbulbado sa illegal nga druga kun sa diiin 20 diri ang mga punong barangay kag 56 naman ang mga barangay kagawad.
Suno kay Catalogo, sa karun wala pa sang datos nga naka-specify kun sa diin ang exact nga area sa Western Visayas may yara sang barangay offcials nga naga-intra sa illegal nga druga.
Pahayag ni Catalogo, sa probinsya sang Negros Occidental sa 601 ka mga barangay, masobra sa 400 ang drug cleared barangay kun sa diin ang mga opisyales sang barangay nagasuporta sa kampanya sang NOCPPO batok sa illegal drugs.
Nagpanawagan ini sa mga Punong Barangay nga likawan ang illegal nga druga kasubong man nga ginpanawagan sini ang mga pumuluyo nga sa maabot nga Barangay kag SK election, pilion ang nagasuporta sa gobyerno kag pagpatinlo sang komunidad agud indi mangin biktima ang mga kabataan sa illegal drugs.
