Ginahulat pa sang pamunuan sang Police Regional Office 6 ang updated nga polisa nagikan sa Commission on Elections (COMELEC) angot sa pagtumod sang mga election watchlists areas sa Western Visayas.
Suno kay Police Brigadier General Sidney Villaflor, ginahulat pa nila sa karun ang updated policy gikan sa COMELEC agud nga makahimo naman ang mga ini sang detalye nga plano agud nga sila ang makaadapt man sa nasambit nga polisa nga ihatag sa ila sang nasambit nga ahensya.
Suno kayi Villaflor, may yara sila nga ginabasehan agud nga matumod ang mga election watchlist areas sa rehiyon apang kinahanglan nila basehan ang sa karun nga polisa nga ipagwa sang COMELEC.
Suno sa regional director sang PRO-6, wala pa sa karun ang mga kapulisan sang nakita nga presensya sang private armed groups ukon (PAGs) sa Western Visayas apang padayon man ang ila nga monitoring.
Suno kay Villaflor, indi man maangot ang aktibidad sang New People’s Army (NPA) sa patigayunon nga Barangay kag SK Elections (BSKEs) sa bulan sang Oktubre.
