Opisyal na ginbuksan ang 29th Panaad sa Negros Festival subong nga hapon.
Ang tema sa karun nga tuig amo ang ‘The Futre Unfolds’.
Ginlibot ni Negros Occidental Governor Eugenio Jose ‘Bong’ Lacson ang mga booths sang 32 ka Local Government Units.
Sa opening salvo, may 22 ka LGUs ang magapa-indis indis sa festival dance.
Samtang, ginpahayag sang gobernador nga mangin non political ang Panaad sa Negros Festival kun sa diin wala sang may gin-imbitar nga politiko nga gin-imbitar.
Suno diri, mahimo lamang nila magbisita sa Panaad apang indi pwede mangampanya.
Samtang, nag-apela naman ang gobernador sa mga nagabaligya sa Panaad sa Negros nga kun mahimo panubo-on lang ang presyo sang mga baligya.
Suno diri, kun luyag nga magbaligya dapat nga magkompetensya sa iban kag ang pagpanubo sa presyo ang makabig man nga isa ka estratehiya.
