Isa ka panibag-o nga teknolohiya ang mahimo magbag-o sa pamaagi sang pagsuksok sang panapton sang mga tawo.
Gintawag ini nga SWAG ukon Self-Wearing Adaptive Garments, isa ka robotic-powered nga sahi sang panapton nga automatic nga nagasuksok sa lawas sang tawo nga indi nga kinahanglan gamiton ang mga kamot.
Katuyuan sang SWAG nga mabuligan ang mga tawo nga may kabudlayan sa pagsuksok sang bayo bangud sa katigulangon, mga PWD, ukon iban pa nga kondisyon medikal.
Nagagamit ini sang ginatawag nga vine robot, nga una nga ginhimo ni Stanford researcher Allison Okamura.
Suno sa researcher nga si Kim Nam Gyun, napinsaran niya ang konsepto samtang nagbisikleta kag hinali lang nagbubo ang ulan.
Suno diri, mangin mapuslanon ang isa ka raincoat kun automatic ini magsuksok sa iya nga lawas samtang nagamaneho sang bisikleta.
Depende sa pressure sang hangin, mahimo ini masuksok sa sulod lamang sang kapin 10 seconds.
Nakahimo na si Kim sang nagkalain-lain nga prototype, kalakip ang pako, pantalon, kag full body suit.
