Ginreject ni Energy Secretary Alfonso Cusi ang mga panawagan kay Presidente Rodrigo Duterte ang pagdeklarar sang state of economic emergency sa tunga sang nagapadayon sa pagsaka sa presyo sang gatong.
Suno kay Cusi, nagapati ini nga indi kinahanglanon sa karun kag apisar nga magdeklarar sang emergency, anu ang pagahimuon sa emergency?
Sang Lunes, ginpahayag ni Albay Representative Joey Salceda nga ang state of economic emergency ang makapadasig sa pagpanagtag sang ayuda para sa mga sectors nga apektado sang pagsaka sa presyo sang produktong petrolyo.
Suno kay Salceda, ang pinakamadasig nga pamaagi amu nga ang Presidente ang magadeklarar sang state of economic emergency sa nagasaka nga krisis sa produktong petrolyo kag nagapahanugot sa iya sa paggamit sang calamity fund para sa local government units nga magamit agud makahatag sang relief sa mga tricycle drivers, mga mangunguma kag mga fisherfolks.
Samtang, suno naman kay Cusi, ginahimo sang gobyerno ang tanan kag nagalaom ini nga ang problema ang indi magdugay.
Ginsegunduhan man ni Energy Undersecretary Gerardo Erguizo Jr. ang panulukan ni Cusi nga ang pagdeklarar sang state of economic emergency ang indi kinahanglanon.
