Gina-imbestigahan sang Department of Justice (DOJ) ang mga ginbuy-an nga mga pahayag ni former President Rodrigo Duterte sa isa ka news conference sang Lunes sang gab-i nga nagpanawagan ini sa militar nga solbaron ang ginatawag sini nga “fractured governance” sa idalum sang administrasyon ni President Ferdinand “Bongbong” Marcos, Jr., nga liwat sini nga gin-akusahan nga nagagamit sang illegal nga druga.
Suno kay Justice Undersecretary Jesse Hermogenes Andres, ang mga pahayag ni Duterte ang posible nga makabig nga sedition kag dapat nga imbestigahan ang konteksto sang mga nangin pahayag man sang iya bata nga si Vice President Sara Duterte.
Suno diri, dapat nga lantawon ang tanan nga anggulo.
Ang threat nga gin-issue sang bise-presidente ang dapat man nga mafactor kun ini ang kabahin kag parcel sang mas dako nga plano para sa destabilization.
Ginsiguro naman ni Andres nga nakapreparar na ang gobyerno sa kun anuman ang matabo.
