Ginreject sang mga lider sang Europe ang pangabay ni US President Donald Trump nga magbulig nga masiguro ang kahilwayan sa pagbyahe sa Strait of Hormuz.
Suno kay Johann Wadephul, Foreign Minister sang Germany, wala sang plano ang Berlin nga mag-intra sa mga operasyon militar sa tunga sang tensyon sa US-Israeli kag Iran.
Samtang, ginpahayag naman ni Lars Lokke Rasmussen, Foreign Minister sang Denmark, nga dapat magpabilin ang Europa nga bukas sa posibilidad nga makabulig sa pagmentinar sang kahilwayan sa paglayag sa strait of hormuz apisar wala nagasuporta sa US-Israel.
Sa pihak nga bahin, ginpabutyag sang United Kingdom nga sila ang nagahimo sila sang plano kaupod ang iban nga pungsod agud mabalik sa normal ang pagbiyahe sa Strait of Hormuz kag masiguro ang kahilwayan sang paglayag sa Middle East, apang gin-ako nila nga indi ini mangin mahapos.
