Gin-athag ni Atty Jomax Ortiz nga ang “The Voice of the people is the supreme law” mas mataas pa sang sa bisan ano nga constitution ukon layi sang pungsod.
Sa pagsabtanay ni Justice Secretary Jesus Crispin Remulla kag Sen. Rodante Marcoleta sa ‘restitution’ ukon pagpabalik sa mga kinawatan gikan sa ma-anomalya nga flood control projects, suno kay Tulfo kun kaisa dapat nga ipa-iway ang layi para mahatag ang luyag sang tawo.
Sa interview kay Ortiz, sa tion nga may people power ukon panawagan na sang mga tawo, ginapa-iway ang constitution ukon layi para sa mga pumuluyo.
Suno diri, insakto si Tulfo nga ihatag ang panawagan sang mga pumuluyo kag wala na ginakwestyon diri ang legality.
Kag dugang pa sini, insakto si Tulfo nga iuli gid dapat ang kinawatan nga ginapanag-iyahan sang pumuluyo. Samtang, ginpahayag ni Atty Renecito Novero nga ang tawo superior sang sa gobyerno bangod ang gobyerno isa lamang ka instrumento sa paghatag sang order sa paginawi kag pagpuyo sang tawo.
Suno sa anay konsehal sa ciudad sang Bacolod, ang pagbalik sang kinawatan nga kwarta ang wala nagalapas sa layi bangod paagi sa restitution gina-ako sang akusado nga siya may kinawatan.
Suno diri, mahimo nga may immunity sa kaso ang state witness apang sa iban nga kaso angot sa assets, siya ang mahimo sa gihapon makasuhan.
Pahayag ni Novero, angot sa pahayag ni Senator ErwinTulfo nga kun kaisa dapat nga ipa-iway ang layi para mahatag ang panawagan sang tawo, iya gina-athag nga ang Pilipinas isa ka democratic kag republican nga estado kag ang soberenya yara sa tawo kag ang tanan nga government authority naghalin sa pumuluyo kag santo sa principle sang layi, ang tanan nga wala ginadumilian, ginapahanugotan.
