Mabatian sa una nga kahigayunan nga malawagan ang mga pangalan sang mga ginikilala bilang co-prepatrators ni Former Presidente Rodrigo Duterte sa kaso sini nga crimes against humanity sa patigayonon nga Confirmation of Charges sa International Criminal Court (ICC).
Sa interview sang Bombo Radyo kay Atty Jomax Ortiz, bulubantayan ang Confirmation of Charges sa kaso ni Duterte sa Pebrero 23 kun sa diin sa una nga kahigayunan mabatian nga lawagon ang pangalan nanday Senators Bato dela Rosa kag Bong Go, anay Justice Secretary Vitaliano Aguirre kag iban pa bilang co-prepatrators nga nag-upod sa war on drugs sa idalom sang administrasyon ni Duterte humalin pa sang nagpungko ini bilang alkalde sang Davao City tubtob nga nangin Presidente.
Suno diri, bulubantayan man ang pagpakita ni Duterte matapos nga gindeny sang ICC ang apelasyon sang kampo sang anay presidente nga indi ini makapangatubang sa trial apang sa masunod nga semana sa luyag man ukon indi ni Duterte, madayon gid ang Confirmation of Charges batok sa iya.
Ang pagbasa sang Confirmation of Charges ang kaangay sa pagbasa sang akusasyon ukon arraignment amo nga si Duterte lang ang yara apang pagalawagon man ang mga pangalan sang co-perpetrators.
