Gin-anunsyo ni US President Donald Trump nga maga-umpisa sini nga adlaw ang panibag-o nga negosasyon agud tapuson na ang gyera sa Iran.
Ini matapos niya ginpahayag nga temporaryo nga untaton ang pagpang-atake.
Katuyuan sang negosasyon nga tapuson na ang tensyon kag ibalik na sa normal ang trading kag paglabay sang mga cargo ship sa Strait of Hormuz.
Apang, ginpanginwala naman sang Iran ang natuhoy sa negosasyon sa tunga sang Tehran kag Estados Unidos, suno sa Iranian state media.
Sa pihak nga bahin, naglunsar ang Israel sang panibag-o nga airstrike sa Gaza Strip sang nakaligad nga semana.
Ini kasunod sang gin-anunsyar sang Estados Unidos nga may yara na sang kasugtanan sa Hamas nga dis-armahon na ang mga militante nga grupo.
Santo sa mga ospital sa Gaza, indi magnubo sa 17 ka indibidwal ang nautas ang kabuhi sa mga pagpang-atake kalakip na ang mga kabataan.
Sa isa ka residential apartment sa Gaza, tatlo ka miyembro sang isa ka pamilya kalakip ang apat ka tuig nga bata ang ginbawian sang kabuhi, santo sa Nasser Hospital nga nagbaton sa mga bangkay sang mga biktima.
Sa pahayag naman sang militar sang Israel, ginpatigayon ang airstrike para sa mga militante nga target.
