Epektibo kahapon, Hulyo 1, ang pagpungko bilang bag-o nga Regional Executive Director sang Department of Agriculture Region 6 ni Director Dennis Arpia.
Ini ang ginkumpirmar ni anay Engr. Jose Albert Barrogo, nga nagpungko bilang officer-in-charge sang DA Region 6 sa sulod sang pito ka bulan humalin sang Disyembre 2022.
Si Arpia, ang anay OIC Regional Executive Director sang Region 12 sang Nobyembre 2021 tubtob 2022 kag siya man ang nangin OIC Regional Executive Director sang Region 9 sang Nobyembre 2022.
Sa intervew sang Bombo Radyo kay Engr. Jose Albert Barrogo, siya ang magaserbe sa karun bilang full fledged regional technical director for operations and extensions.
Suno kay Barrogo, siya ang mangin assistant director ni Apria kag lakip sa trabaho sini ang operation sang Western Visayas, engineering, kag agricultural business.
Dugang pa ni Barrogo, iya ginalauman nga may yara na sang kalinong sa DA Region nga sa karun sila maka-focus sang husto nga wala na sang blangko sa ila trabaho.
Dugang pa niya, magalibot si Director Arpia kag makigkita sa tanan nga local executives, farmer kag fisher folks association kag bukas ang DA sa pagbulig sa mga mangunguma.
