Nakakuha sang silver medal ang para-athlete nga tumandok sang ciudad sang Cadiz sa ginpatigayon nga 8th Philippine National Para Games (PNPG) 2024.
Sa interview sang Bombo Radyo kay Mavet Obiamas, nadumduman sini sadto nga nahaldok pa ang iya bata nga si Zach magswimming apang sang ini ang nakatuon na, nakita nila ang madasig nga development sa iya nga practice.
Suno diri, matapos sadto nagparticipate na si Zach sa mga competition kag kalaban diri siya ang nagdaog.
Nakaagi na ini nga magcompete sa District meet, Area meet, Provincial meet, regional meet, Palarong Pambansa kun sa diin nakakuha ini sang tatlo ka gold medal.
Matapos ang iya competition sa Palarong Pambansa, may nag offer kay Zach para magcompete sa 8th Philippine National Para Games kun sa diin siya ang nakakuha sang silver medal.
Samtang, malipayon naman si Zach sa tanan nga achievements sini.
Suno diri, bisan nga madamo ini sang nakontra dako ang iya kalipay nga siya ang nakakuha sang medalya.
Isa sa handum sini amo ang makasulod sa Philippine team kag maka-compete sa Paralympics.
Si Zach ang may yara sang pala-abuton nga competition sa Uzbekistan kag Singapore.
