Ginpatigayon ang parade of champions sa The Upper East, Megaworld sa ciudad sang Bacolod, Domingo sang hapon, Oktubre 25.
Nagparade kag nagperform ang Corazon Locsin Montelibano Elementary School nga champion sa Drum and Lyre Corps Band; Barangay Taculing Masskara Dancers para sa Barangay category; Bacolod City National High School para sa High School Category Champion kag Mandalagan Elementary School para sa Elementary School Category Champion.
Samtang ginkalipay sang isa ka iloy nga nasaksihan liwat nga ang iya anak nga isa sa majorettes sang Corazon Locsin Montelibano Elementary School ang nagperform liwat sa The Upper East, Megaworld.
Sa interview sang Bombo Radyo Bacolod kay Lovely Guanzon, nalipay kag proud ini nga ang bata niya ang kabahin sang nagchampion sa Drum and Lyre Corps Band.
Suno kay Lovely sang una kabahin man siya sang Drum and Lyre Corps kag ang trainer niya sadto ang trainer man sang iya anak.
Suno diri makapila naman nga nagchampion sa Masskara Festival ang Corazon Locsin Montelibano Elementary School Drum and Lyre Corps Band.
Suno pa diri, antes pa man ang pandemic nagakampeon na ang nasambit nga eskwelahan.
Ginpasalamatan man sini ang stamina sang iya bata nga bisan ano kakapoy natigayon nila nga matapos ang parade kag makaperform kun sa diin nakuha nila ang championship.
