Pari, nagpanugyan nga indi paghimuon nga pampaswerte ang pagkumpleto sang siyam ka adlaw nga Simbang gabi

Ginpa-athag ni Rev. Fr. Chris Gonzales, Kura Paroko sang Triumph of the Holy Cross Parish Bacolod nga indi pagkabigon nga pampaswerte ang pagkumpleto sang siyam ka adlaw nga simbang gabi.

Suno sa Kura Paroko, indi manami nga ginalantaw kaangay nga wishing well ang pagsimba sa pagpati nga may grasya nga batonon.

Suno diri, ang siyam ka adlaw nga pagsimba, nagakahulogan nga siyam ka bulan nga pagbusong ni Maria kay Hesu Kristo.

Para sa iya ang pagbun-ag sa manluluwas makabig na nga dako nga grasya nga ginhatag sang Ginoo.

Apang, pa-athag sini nga may grasya gid man kun magpalapit ang tawo sa Ginoo indi lamang sa pagkumpleto sang siyam ka simbang gabi.