Patay ang isa ka pari matapos nga nakabunggo ang ginamaneho nga motorsiklo sa ginaparada nga dump truck sa Brgy. Malusay, Guihulngan City, Negros Oriental.
Sa interview sang Bombo Radyo Bacolod kay Police Lt. Col. Romeo Cubo, Chief of Police sang Guihulngan City Police Station, ang motorsiklo nga Suzuki Gixer 150, nga duag pula ang ginamaneho ni Rev FR Rexijan Jamito 29 yrs, anyos, Parish Priest sang Iglesia Filipina Independente sa Brgy Hilaitan, Guihulngan City kag residente sang Brgy Dauis, Bayawan City, Negros Oriental, ang nagabiyahe padulong sa norte nga nga direksyon, apang sang pag-abot sini sa national highway sang Barangay Malusay sa nasambit nga syudad, nakabunggo sa likod nga stop light sang ginaparada nga dump truck.
Ang dump truck ang ginapanag-iyahan sang Local Government Unit sang Guihulngan City kag ang driver sini amo si Driver Giddi Estoya, 48 anyos, kasado, empleyado sang Guihulngan LGU kag residente sang Brgy Mckinley, Guihulngan City Negros Oriental.
Ginhingaw pa dala sa Dov William Villegas Memorial Hospital, apang gindeklarar nga dead on arrvival.
Wala naman sang indikasyon nga nakainum sang makahulubog nga ilimnon ang biktima kag ang motorsiklo kag ang dump truck ang lunsay kumpleto man sa papeles.
Ginacontact na sang mga kapulisan ang asawa sang biktima agud mahibaluan magapasaka sang kaso batok sa driver sang dump truck.
