Pag-una sa Ginoo ang sentro sang mensahe sang Miyerkules Santo, ang ikatatlo nga adlaw sa obserbasyon sang Semana Santa.
Sa interview sang Bombo Radyo Bacolod kay Msgr. Felix Pasquin, Parish Priest sang Our Lady of Candles Parish, santo sa ebanghelyo, ang Miyerkules Santo ang katapusan nga panihapon ni Ginoong Hesukristo.
Suno kay Msgr. Pasquin, ini man ang adlaw nga nagpangita si Hudas sang pamaagi nga matugyan sini si Ginoong Hesu Kristo sa mga otoridad.
Nagpakigkita si Hudas sa mga otoridad kag namangkot kun matugyan sini si Hesus sa ila, pila ang ihatag sa mga ini sa iya kag siya ang ginsabat nga hatagan siya sang 30 ka bilog nga pilak ukon 30 pieces of silver.
Suno kay Pasquin, manami ang kahulugan sang 30 pieces of silver, sa libro ni Zacharias sa daan nga kasulatan ang kahulugan sang 30 ka bilog nga pilak amo ang bili sang isa ka manugbantay sang karne ukon slave.
Halimbawa lamang kun mapatay ang manugbantay sang karnero sa pagpangapin sa sapat ang tag-iya sang sapat ang bayaran lamang nabilin nga pamilya sang manugbantay sang 30 ka bilog nga pilak.
Suno kay Pasquin, kun iapply naman naton ini sa atun nga pagpangabuhi, ang indi pagpadulong sa simbahan agud nga magpamalandong sa ang pareho lamang ginabarat naton ang Ginoo.
Gani subong nga Semana Santa, dapat ikonsiderar naton ang atun kaugalingon nga suluguon kag kinahanglan nga maghatag sang serbisyo kay Ginoong Hesukristo nga atun manunubos.
