Nakatipon sang $800,000 ukon kapin sa P47 million nga emergency relief funds sa sulod sang 72 ka oras ang American media personality nga si Paris Hilton para ihatag sa mga apektado sang California wildfires.
Suno sa iya, luyag sini nga mabaton gilayon sang mga apektado nga pamilya ang assistance.
Dugang pa sini, masubo para sa iya nga mabatian ang mga inagyan nga kabudlayan sang mga biktima sang mga wildfires.
Magluwas sa pagtipon sang funds, ginagamit man sini ang social media platform agud mahighlight ang nonprofit organizations.
Naga-volunteer man ini sa karun sa pagbulig sa pagpack sang mga essential items nga ipanagtag kag nagafoster sang ido nga ginsurrender bangod sa wildfires.
Nalakip si Paris kag ang pamilya sini sa mga nadulaan sang balay sa Pacific Palisade.
Nagdangat na sa kapin sa 24 ang napatay bangod sa California wildfires kun sa diin gin-evacuate ang kapin sa 100,000 ka mga tawo.
Kapin sa 150 naman ka Pilipino ang nagpangayo sang bulig matapos nga naguba ang ila balay sa sunog.
