Ginkakas sa competition sa Britain ang Paris Olympic boxing champion nga si Lin Yu-ting kasunod sa pagkwestyon sa gender sini.
Si Lin ang natalana nga magcompete sa World Boxing Cup Finals humalin sang Miyerkules apang siya ang ginkakas sa competition nga gin-organisa sang World Boxing nga may 55 ka miyembro kalakip na ang Taiwan.
Ini ang una kun tani nga international competition ni Lin kasunod sang Paris Olympics 2024 kun sa diin siya ang nakakuha sang gold medal sa Women’s 57 kg.
Ang 28 anyos nga athlete ang nagpaidalum sa lokal nga medical examination sa Britain apang wala sa gihapon ini ginbaton sang World Boxing.
Apang suno naman sa World Boxing Organization, gina-una lamang nila ang safety sang athletes, kag para sa ila ang gender clarity ang isa ka dako nga isyu para sa welfare sang athletes.
Sa mahibaluan, si Lin kag Algerian boxer Imane Khelif ang wala ginpahanugotan nga magcompete sa world championship nga ginapamunoan sang Russian International Boxing Association apang ginhatagan sila sang clearance sang International Olympic Committee para magcompete sa Paris Olympics 2024.
