Nagpatigayon subong nga adlaw sang partial closure ang Bacolod Traffic Authority Office para sa selebrasyon sang Bacoloadiat Festival 2024.
Sa interview sang Bombo Radyo kay Jose Antonio “Jojo” Robello, deputy officer-in-charge sang BTAO, ang highlights ang pagahiwaton sa Pebrero 9 tubtob 11.
Subong nga adlaw Pebrero 5 tubtob Pebrero 12, may yara sang road closure sa area sang North Capitol Road kag portion sang Aguinaldo Street kag sa Pebrero 8 tubbtob Pebrero 12 may road closure sa 5th street tubtob sa 15th Lacson Street.
Suno kay Robello, matapos ang selebrasyon sang Bacoloadiat Festival 2024 liwat naman nga buksan ang dalan.
Apang, sa karun, apektado diri amo ang PUJ’s nga may ruta nga Bata- Libertad kag Mandalagan Libertad.
Samtang, ang mga pribado naman nga mga salakyan ang mahimo nga makapili sang ila ruta apang panugyan ni Robello kuntani nga indi na lang maglabay ang private vehicles sa ruta sang mga PUJ’s agud malikawan ang paggutok sang dalan.
Samtang, may yara naman sang mga kiosko nga gina- amat amat na patukod kasubong man ang mga stages para sa event.
Sa selebrasyon sang Bacoloadiat Festival, magabantay sa dalanon amo ang Traffic Management Unit.
Mensahe ni Robello para sa mga manugbyahe, amo nga mas maayo kun timprano pa agud nga malikawan ang traffic.
