Ginpahayag sang Deputy Head sang Bacolod Traffic Authority Office (BTAO) nga may yara sang ipatuman nga partial road closure sa Nobyembre 1, adlaw sang tigkalalag.
Sa interview sang Bombo Radyo Bacolod kay Jose Antonio ‘Jojo’ Robello, ang traffic plan ang kaangay man sa ila nga plano kada tuig sa tropiko sa tion sang UNDAS.
Suno diri, sa Nobyembre 1 ginalauman ang pagduging sang tawo kag paggutok sang trapiko alas- 2:00 tubtob alas- 3:00 sang hapon.
Kun makita nga may paggutok sa trapiko ipatuman ang partial road closure sa Burgos St, halin sa Bacolod Police Station 4 tubtob sa Lopez Jaena St.
Apang, suno kay Robello kun maayo lang man ang lakat sang trapiko, indi na kinahanglan pa ang road closure.
May 80 naman ka mga traffic enforcers nga ideploy sa nagkalain-lain nga areas agud mabantayan ang dalanon, 40 diri ang magaduty sa aga kag 40 man sa hapon.
