Ginpahayag sang council president sang Partido Demokratiko Pilipino (PDP)- Negros Occidental nga may yara sila sang plano para sa nagahilapit nga 2025 mid-term election apang ini ang under consultation pa.
Suno kay Party Deputy Secretary General for Visayas Atty Jayvee Hinlo, para sa posisyon bilang gobernador, ila ginakonsulta pa kun bala ila pagasuportahan si Governor Eugenio Bong Lacson sa pagpadayon sang iya termino ukon sila ang may yara sang pilion para magpadalagan bilang gobernador, kag kun may yara, ila ginalantaw si Former Victorias City Mayor Frederick Palanca para diri.
Suno diri, sa bahin naman sang pagka-bise gobernador, ila naman ginalantaw amo si Toboso former mayor kag sa karun councilor, Richard Jaojoco.
Samtang para naman sa 6th distirct, para sa pagka-congressman ila ginalantaw nga suportahan ang anay alkalde sang banwa sang Hinobaan nga si Ernesto Estrao kag sa bawna sang Cauayan ila ginalantaw para sa pagka-alkalde amo si Jurry Nabaja.
Apang, gin-athag ni Hinlo nga ini tanan ang plano pa lamang kag wala pa kumpirmasyon bangod nga yara pa lamang sila sa consultation stage.
