Sa final election results sang Israel, nagkumpirma nga si Prime Minister Benjamin Netanyahu kag ang iya mga kaalyado ang napaslawan nga makuha ang mayorya sa parlyamento kag ginapaabot ang pila ka semana sang pakig-negosasyon sa nagkalain-lain nga mga partido, kalakip ang ultra-Orthodox Jewish, secular, kag Arab-led nga partido.
Ang partial results sang Biyernes ang nagapakita nga nakakuha ang bloc ni Netanyahu sang 53 ka seats, samtang ang oposisyon naman ang nakakuha sang 48.
Naka-secure naman ang Arab-led parties sang 19 ka seats.
Sa karon, kinahanglan sang mga partido nga makignegosasyon agud makumpleto ang 61 seats sa 120-member Knesset.
Nagapabilin nga in charge si Netanyahu, nga amo ang pinakalawig nga nagserbe bilang prime minister.
Kun luyag sang oposisyon nga buslan sa pwesto si Netanyahu, mahimo sila ang makigbahin sa Arab-led nga mga partido.
Apang, ginpahayag ni Avigdor Lieberman, lider sang isa ka paksyon nga nagapamatok kay Netanyahu, nga indi sila magtukod sang partnership sa mga Arabo nga partido.
Ang pahayag ang nagapakita lamang nga imposible para sa oposisyon nga mag-porma sang coalition agud buslan si Netanyahu.
