Magkatuhay ang opinyon sang duha ka commuters sa pagsaka sang pletehan sa mga pampubliko nga salakyan sa pungsod.
Suno sa isa ka estudyante nga si John Rey Buenaflor, indi ini pabor sa fare hike bangud kulang na ang iya nga allowance.
Naga-eskwela siya sa ciudad sang Talisay apang nagapauli sa Barangay Alangilan ciudad sang Bacolod gani nagalab-ot sa anum ka sakay pakadto kag papuli.
Masobra isa ka gatos ang kabug-usan nga plete ni Buenaflor nga kuhaon pa niya sa 150 nga allowance adlaw-adlaw.
Samtang, naga-ugyon naman si Alyas “Kent” sa P1 hike bangud makadugang pa ini sa kita sang mga drivers nga nagaagunto sa tuman ka mahal nga presyo sang langis.
Suno diri, dapat masolusyunan sang gobyerno ang problema sa pagsaka sang presyo sang mga produktong petrolyo agud mahagan-hagan ang palas-anon sang mga drivers.
Nagapati ini nga magluwas sa pagpasaka sang pletehan, mas damo pa sang tikang nga pwede mahimo sang gobyerno agud mas mabuligan ang commuters kag drivers.
