Naglapaw sa 20,000 ang mga pasahero sa pantalan nga narecord sang Philippine Coast Guard station – Northern Negros Occidental.
Sa interview sang Bombo Radyo Bacolod kay kay Coast Guard Commander Jansen Benjamin, humalin sang sila ang ginpaidalom sa heightened alert status sang Oktubre 30 alas-12:00 sang kaagahon, sila ang nakarecord sang 9,826 outbound kag 10,557 inbound passengers sa tanan nga ports halin sa San Carlos port tubtob Pulupandan port.
Ang heightened alert status ang magalawig pa sa Nobyembre 5.
Suno kay Benjamin, ginalauman nila nga sa Domingo sang hapon, magadagsa na ang mga pasahero nga magabalik sa trabaho matapos ang long weekend.
Ginapakamaayo lamang sini nga wala sang namonitor nga bagyo nga magasulod sa pungsod sa masunod nga mga inadlaw.
Pasalig man sini nga preparado ang mga barko kag ini ang na-inspect sang PCG kag Maritime Industry Authority (MARINA).
Sila ang may nakaplastar man nga help desk sa mga pier kaupod sang Maritime Group kag Philippine National Police.
Panawagan sini sa mga byahero nga magbalon sang pasensya kag kun mahimo tempranuhan pa ang pagbyahe.
