Pasahero sa barko nationwide sa besperas sang UNDAS, nagdangat sa masobra 100,000

Nakarekord ang Philippine Coast Guard (PCG) sang masobra 109,000 ka pasahero sa tanan nga mga ports sa bilog nga pungsod kahapon, Oktubre 31.

Sa data sang PCG, humalin alas 6:00 sang aga tubtob alas 12:00 sang udto, may yara sang kabug-usan nga 54,209 outbound passengers samtang 55,037 inbound passengers ang nagtipon sa mga pantalan agud magbyahe papauli sa ila mga probinsya.

Agud masiguro ang luwas kag efficient nga byahe sang pasahero, nagdeploy ang ahensya sang masobra 5,000 frontline personnel sa 16 ka PCG Districts.

Ila gin-tsekyar ang masobra 700 ka barko kag masobra 700 ka motorbancas.