Ginalauman subong nga adlaw nga magadugok ang pasahero nga magabiyahe antes ang piyesta minatay.
Sa interview sang Bombo Radyo Bacolod kay Commander Jansen Benjamin, commander sang Coast Guard Station-Northern Negros, wala pa sang recorded nga pagdagsa sang mga pasahero apang nagapreparar na ang personnel sang Philippine Coast Guard.
Suno kay Benjamin, ginalauman sang mga ini nga subong nga adlaw magadagsa ang pasahero bangud mahimo nga ang mga nagikan sa iban nga probinsya kaangay sang Iloilo ang magatabok na sa Negros Occidental kag vice versa.
Suno diri, sa masami October 31 tubtob November 1 na sang hapon nagadagsa ang mga pasahero sa mga port sang Bacolod kag iban nga bahin sang probinsya bangud sa nasambit nga tinion pa nagapauli ang mga nagatrabaho gikan sa iban nga probinsya.
Nakaheightened alert naman ang tanan nga mga personnel sang Philippine Coast Guard humalin subong nga adlaw tubton sa November 5 para sa Undas 2024 deployment.
Isa man sa ginalauman amo ang mga nagabiyahe nga may dala nga 4 wheels nga salakyan gikan sa Manila kag sa iban nga bahin sang pungsod agud magpadulong sa probinsya sang Negros Occidental.
May yara naman sang deployment sang Coast Guard personnel kasubong man mga Coast Guard Auxillary nga nakadeploy sa mga pantalan nga magasiguro sang seguridad sang tanan nga magabiyahe.
