Ginpahanugutan na sang Pasig court nga i-air ang pre-recorded campaign videos ni Kingdom of Jesus Christ (KOJC) founder Apollo Quiboloy umpisa kahapon, Marso 1, 2025.
Sang Biyernes, Pebrero 28, gin-grant ni Judge Rainelda Estacio-Montesa sang Pasig Regional Trial Court (RTC) Branch 159 ang motion sang kampo ni Quiboloy nga ipagwa na ang mga pre-recorded videos sini sa mga campaign rally.
Kalakip sa mga gin-aprubahan sang Pasig RTC nga i-air amo ang 35 minutos nga video ni Quiboloy nga ginpaggwa sa proclaimation rally sadtong Pebrero 11; 32 minutos nga paghinun-anon sa iya abogado nga si Israelito Torreon; kag 14 minutos nga introduction video sini.
Si Quiboloy ang nagapapili sa bilang Senador para sa nagahilapit nga May 2025 midterm elections sa idalom sang PDP-Laban ni fomer President Rodrigo Duterte.
